Fida Kar Ishq-E-Nabi Par Jaan
Mukammal Karle Tu Iman Zamaana Yaad Karay Ga
_______________________________________
Jab Yaad Nabi Ki Aati Hai Ik Kaif Sa Aalam Hota Hai
Jab Zikare Nabi Chhid Jata Hai Ik Wajd Ka Mosam Hota Hai
Yahi To Kahta Hai Qur’an K Aaqa Hai Jaan-E-Iman
Zamaana Yaad Karay Ga Zamaana Yaad Karay Ga
_______________________________________
Sarkar Se Tu Hai Door Magar Sarkar To Tujh Se Door Nahi
Kyu Khoya Khoya Rehta Hai Mukhtar Hai Tu Majboor Nahi
Nabi Ko Pahle Dil Se Maan, Nabi Par Sab Kuch Kar Qurbaan
Zamaana Yaad Karay Ga Zamaana Yaad Karay Ga
_______________________________________
Aslaf Ki Hai Taarikh Yahi Sahil Pe Jala Di Hai Kashtee
Daudaye Hain Ghode Dariya Par Kya Ishq-E-Nabi Ki Masti Thi
Tumhi Ho Wo Mard-E-Maidan Zara Dhundo Apni Pahchan
Zamaana Yaad Karay Ga Zamaana Yaad Karay Ga
_______________________________________
Sarkar Ke Jalwo Se Raushan Iman-O-Amal Ki Duniya Hai
Sarkar Ke Deewano Ki Sada Taqleed Zamaana Karta Hai
Nabi Ka Dekh Zara Faizaan Ki Taza Ho Jaye Iman
Zamaana Yaad Karay Ga Zamaana Yaad Karay Ga
_______________________________________
Darbare Wilayat Kya Kehna Jab Unka Ishara Milta Hai
Baarah Barso Ki Doobi Kashti Ko Ik Pal Me Kinara Milta Hai
Asad Ye Ghaus Ka Hai Faizan Hai Jis Se Fikar-O-Nazar Hairan
Zamaana Yaad Karay Ga Zamaana Yaad Karay Ga
_______________________________________
Jo Baat Thi Aa’la Hazrat Ki Wo Aaj Kisi Molwi Me Nahi
Wo Ishq-E-Nabi Ke Paikar The, Tharrate The Unse Dushman Bhi
Diya Humko Kanzul Iman Ye Hai Hum Par Unka Ehsaan
Zamaana Yaad Karay Ga Zamaana Yaad Karay Ga
_______________________________________
Muhammad Waseem is a seasoned Naat and lyrics writer with a decade of experience. He shares heartfelt Islamic content in Urdu, Hindi, Punjabi, and English, touching the hearts of Muslims worldwide.