Hai Kalam E Ilahi Mein Shamsudduha, Tere Chehre Noor-E-Faza Ki Qasam
Qasam E Shab E Taar Me Raaz Yeh Tha, Ke Habeeb Ki Zulfe Duta Ki Qasam
________________________________________________________
Teray Khulq Ko Haq Ne Azeem Kaha, Teri Khilq Ko Haq Ne Jameel Kiya
Koi Tujh Sa Huwa Hai Na Hoga Shaha, Tere Khaliqe Husan O Ada Ki Qasam
________________________________________________________
Woh Khuda Ne Hai Martaba Tujh Ko Dia, Na Kisi Ko Milay Na Kisi Ko Mila
Ke Kalam E Majeed Ne Khaai Shaha, Tere Shehro Kalamo Baqa Ki Qasam
________________________________________________________
Tera Masnade Naaz Hai Arshe Baree, Tera Mehrame Raaz Hai Rooh E Ameen
Tu Hee Sarware Har Do Jahaan Hai Shaha, Tera Misal Nahi Hai Khuda Ki Qasam
________________________________________________________
Yehi ‘Arz Hai Khaliq E Ard O Sama, Woh Rasool Hai Tera, Mai Bandah Tera
Mujhe Unki Jawaar Me Day Woh Jagah, Ke Hai Khuld Ko Jiski Safa Ki Qasam
________________________________________________________
Tu Hi Bandaun Pa Karta Hai Lutf O ‘Ata, Tujhi Pe Bharosa Hai Tujhi Se Dua
Mujhe Jalwah E Pak Rasool Dikha, Tujhe Apne Hi Izz O ‘Ala Ki Qasam
________________________________________________________
Mere Gar Chay Gunah Hai Had Se Siwa, Magar Un Se Umeed Hai Tujh Se Rija
Tu Raheem Hai Unka Karam Hai, Gawah Woh Kareem Hai Teri ‘Ata Ki Qasam
Yehi Kehti Hai Bulbule Baagh E Jina, Ke Raza Ki Tarha Koee Sehre Bayaan
Nahi Hind Me Wasif Shahe Huda, Mujhe Shokheay Taba-e-Raza Ki Qasam
________________________________________________________
