Haqeeqat Mein Woh Lutf-E-Zindagi Lyrics In English/Urdu
Haqeeqat Me Woh Lutfe Zindagi Paya Nahi Karte
Jo Yaad E Mustafa Se Dil Ko Behlaya Nahein Kartay….
___________________________________
Zaban Per Shikwaye Ranj O Alam Laya Nahein Karte
Nabi (S….A….W….W) Kay Naam Lewa Gham Say Ghabraya Nahein Karte….
___________________________________
Yeh Darbaar E Mohammad Hai Yahan Apnoon Ka Kiya Kehna
Yahaan Se Hath Khali Gheir Bhi Jaya Nahi Karte….
___________________________________
Are O Na Samaj Qurbaan Hoja Inke Roze Par
Yeh Lamhe Zindagi Me Baar Baar Aya Nahein Karte….
___________________________________
Yeh He Darbaar E Muhammed Hai Yahaan Milta Hei Bemange
Are Nadan Yahaan Daman Ko Phelaya Nahi Karte….
___________________________________
Madinay Jo Bhi Jata Hai,,,, Woh Jholi Bhar Kay Lata Hai
Sakhi Data Hain Khali Haath Lotaya Nahein Kertay….
___________________________________
Mohammad Mustafa Key Bagh Key Sabh Phool Aise Hain
Jo Bepani Ke Tar Rehte Hain Murjaya Nahi Karte….
___________________________________
Nadamat Sath Le Kar Hashr Mein Ae Aasio Jana
Suna Hei Sharm Waloon Ko Woh Sharmaya Nahi Karte….
___________________________________
Jo Un Kay Damaan E Rehmet Se Wabasta Hai Aey Hamid,,,,
Kisi Kay Samnay Woh Haath Phailaya Nahi Karte….
___________________________________
Mohammad Mustafa (PBUH)Ki Shaan E Rehmet To Zarah Dekho,,,,
Sitam Sehtay To Hain Lekin Sitam Dia Nahi Karte….
___________________________________
Aggar Ho Jazba E Sadiq To Aksar Humne Dekha He,,,,
Woh Khud Tashreef Le Ate Hain Tarpaya Nahi Karte….
___________________________________
Haqeeqat Mein Woh Lutfe Zindagi Paya Nahi Karte,,,,
Jo Yaad E Mustafa Se Dil Ko Garmaya Nahi Karte….
___________________________________
